Apoio aos catro do L
“Entre tod@s Galiza Nova” quere expresar o seu apoio e a súa disposición á colaboración con @s compañeir@s encausad@s por correxir unha ilegalidade toponímica dunha institución pública na cidade da Coruña.
A este respecto, consideramos que a desproporción entre o feito xulgado e a petición da Fiscalía denota unha intencionalidade política que cumpre enmarcar na ofensiva contra o galego instigada polo Partido Popular de Feijoo, coa colaboración do PSOE Coruñes.
A concentración será na Audiencia Provincial da Coruña, día 16 de Novembro as 9:30 (AM).
Porén, é evidente que o entramado xurídico-político e institucional actual da Unión Europea, non responde aos principios democráticos e sociais que debemos impulsar. O nacionalismo, Galiza Nova en particular, debe ser un actor europeo a favor da construción de novos piares de integración europea que completen e reformen a actual configuración institucional superando o défice democrático e a orientación economicista do proceso de converxencia europeo, evitando así que sexa unha oportunidade perdida para os pobos e fique como unha mera reordenación capitalista a nivel continental. Os novos piares deben ser a Europa dos Pobos, é dicir, a implicación das realidades nacionais non estatais nos procesos de toma de decisións comunitarios e a Europa Social, é dicir, a integración dos actores sociais nos procesos decisionais comunitarios e a creación de normas e institucións garantes do benestar social e a prestación de servizos públicos a nivel europeo. Co histórico espíritu europeísta do nacionalismo galego, xunto a tantos outros movementos progresistas e de esquerda, seguiremos a pular por outra Europa.
Respecto à cuestión da inmigración e a multiculturalidade, derivadas das grandes migracións povoacionais derivadas da inxusta globalización capitalista, defendemos o seu tratamento como cuestión específica, ata o de agora ignorada polo nacionalismo, e a relevancia do combate antirracista e antixenófobo no noso País, posto que a poboación de orixe foránea que reside na Terra multiplicouse por cinco nos últimos dez anos, superando xa en número à poboación total da capital do país, os concellos con maior percentaxe de poboación foránea son, asemade, eminentemente rurais (Padrenda, Entrimo, Lobios, Oimbra, Verín, A Gudiña, A Mezquita, O Barco de Valdeorras, Carballeda de Valdeorras, Negueira de Muñiz, Rábade e Burela) e culturalmente hexemonizados pola tradición. Así mesmo, só o 2,16% dos estranxeiros chegados ao Estado Español se instalaron na Galiza, sen embargo, o 35, 68% da mocidade pensa que hai demasiados estranxeiros e o 44,92% pensa que son moitos. Neste sentido, nós entendemos que: Debemos defender que Galiza é unha obra aberta a quen estea disposto a traballar nela. Así mesmo, a defensa do pluralismo social e a apertura ás novos formas de vida desde o respecto mutuo e a defensa dos dereitos humanos debe converterse nun sinal de identidade de Galiza Nova.
Nestes momentos, a aproximación temporal ao pico do petróleo determina a aposta de Galiza Nova polas reformas estruturais que permitan asumir o impacto do encarecemento e desaparición deste recurso nunha economía coma a nosa que basea a súa provisión enerxética neste recurso finito, é dicir, a transformación dunha economía dependente do petróleo nunha economía sostíbel alimentada con enerxías renovábeis. Implica, tamén, unha mudanza do modelo de transporte priorizando a vertebración do País mediante unha rede de transporte público que interconecte as cidades mediante o tren de proximidade e especialice os aeroportos, convertendo os tres nun destino único internacional. Así mesmo, fronte ao perigo de privatización dos océanos, último territorio inexplotado polo capitalismo do noso planeta, defendemos a creación de organismos internacionais de control que garantan o interese común fronte ao negocio privado, para que se cumpra a vontade da terra que dá os seus froitos para todos.
A concepción republicana da política non só é mediación: ten un carácter tamén transformador, onde as comunidades toman consciencia da súa recíproca dependencia e configuran vontade e conciencia, transformándoas nunhas asociacións de cidadáns e cidadás libre e iguais, e inseridos nunha arquitectura onde a cidadanía toma un sentido pleno. As e os cidadáns pasan de ser suxeitos con dereitos subxectivos e con compoñente negativo, a ter un status de concepción positiva, nunha orde xurídica obxectiva que permite, á vez que garante, a integridade dunha convivencia baseada na igualdade, a autonomía e o respecto recíproco. Neste sentido, aparece a solidariedade como forza de integración social. Así, o espazo público e a sociedade civil cobran un sentido estratéxico. A concepción republicana incide na formación de opinión e vontade común nun espazo público, onde non se obedece a estruturas dos procesos de mercado, senón que ten que ter a súas propias estruturas específicas. O paradigma da política no sentido dunha práctica de autodeterminación cidadá non é o mercado, senón o diálogo.
Estas actuacións e estes cuestionamentos do entendido como “normal”, chegan a evidenciar que o “masculino” e o “feminino” son elementos construídos socialmente e polo tanto suxeitos permanentemente á reinvención. O home vese obrigado a mudar as súas formas de relacionarse coa sociedade e ve como se cuestionan as súas calidades, esíxenselle outras pautas de comportamento. E é aí onde Galiza Nova debe incidir e actuar. Os mozos, “os seres humanos masculinos”, debemos comprometernos coa causa feminista e participar activamente na búsqueda do noso ser dentro desta cultura e desta socidade patriarcal que nos nega a posibilidade de ser como desexemos ser, e trata de impoñernos estereotipos e roles preestabelecidos. Hai que deconstruir se é preciso esa cultura e esa sociedade para formular unha aberta e plural que nos permita desenrolar a nosa vida en liberdade. Polo tanto, Galiza Nova asume o compromiso de traballar nesta liña para garantir a liberdade e a igualdade entre tódalas persoas.Neste sentido proponse:
Así mesmo, a irrupción de internet e as súas potencialidades de comunicación multidirecional teñen implicacións nos usos e costumes diarios das persoas e, desde logo, tamén a súa correspondencia no ámbito das organizacións. Ao carón da estrutura formal e verticalizada das organizacións tense reforzado e multiplicado unha estrutura informal, paralela e non xerarquizada que soborda as tradicionais tertulias de café polo seu ámbito territorial, as súas potencialidades temáticas e as súas múltiplas aplicacións prácticas. Desde a mocidade nacionalista estamos dispostos a transformar a nosa estrutura organizativa adaptándoa a esta nova realidade. Para isto crearemos unha rede social para os/as membros da organización con obxecto de crear unha canle de comunicación interna vertical e horizontal na que se poidan transmitir informacións, facer debates, compartir experiencias, etc.. Non se poderá tomar ningunha determinación política vencellante neste eido, correspondendo en exclusiva aos órganos pertinentes da organización territorial que son os que garanten o dereito a participar na toma de decisións de toda a militancia.E de cara ao exterior:
